పేరు : మారుతి శ్రీనివాసరావుస్వస్థలం: తుని, తూర్పుగోదావరి జిల్లా
చదువు: ఎంటెక్
చేసే పని: సైబర్ నేరాలు
కేసులు:ఆంధ్రప్రదేశ్లో- 17, తెలంగాణలో- 03,
12 జిల్లాల పోలీసులు గాలింపునేరం చేసే విధానం: ప్రధాన పత్రికల్లో ఉద్యోగాలు, రుణాలపేరుతో ప్రకటనలు
దోచేసిన సొమ్ము: రూ. 200 కోట్లు
మోసపోయిన వారి సంఖ్య: 150 మంది
ఉద్యోగాలిప్పిస్తాం, అతి తక్కువ వడ్డీ రేటుకే రుణాలు ఇస్తామంటూ ప్రధాన పత్రికల్లో ప్రకటలిచ్చి మరి మోసానికి పాల్పడ్డ సైబర్ నేరస్తుడిని హైదరాబాద్ పోలీసులు అరెస్ట్ చేశారు. తూర్పుగోదావరి జిల్లాకు తుని ప్రాంతానికి చెందిన మారుతి శ్రీనివాసరావు ఎంతో మందిని మోసం చేశాడు. ఎంటెక్ చేసి సులభంగా డబ్బు సంపాదించేందుకు అడ్డదార్లు తొక్కాడు. ఉద్యోగాలు, రుణాలు ఇస్తామంటూ ప్రధాన పత్రికల్లో ప్రకటనలిచ్చి... డబ్బు డిమాండ్ చేసేవాడు మారుతి శ్రీనివాసరావు. ఇప్పటి వరకు ఈ నేరస్థుడిపై తెలంగాణలో 3 కేసులు ఉండగా... రాష్ట్రంలో 17 కేసులు ఉన్నాయి. ఇతని కోసం 12 జిల్లాల పోలీసులు గాలింపు చేపడుతున్నారు. గతంలో మాట్రిమోనీ సైట్ పేరుతో మోసాలు చేసి అరెస్టయ్యాడు. తర్వాత బెయిలుపై విడుదలై... 2017లో హైదరాబాద్ వెళ్లిన శ్రీనివాసరావు అంబర్పేటలో ఉంటూ సైబర్ నేరాలకు పాల్పడ్డాడు. పత్రికల్లో ప్రకటనల ద్వారా 150 మంది నుంచి రూ.200 కోట్లు వసూలుకు పాల్పడ్డాడు. ఎయిర్టెల్ పేమెంట్స్ బ్యాంక్లో ఏటీఎం కార్డు వివరాలు తీసుకుని డబ్బులు తస్కరించేవాడు. వివిధ ప్రాంతాల్లో ఫిర్యాదులు అందుకున్న హైదరాబాద్ పోలీసులు... 6 నెలలు శ్రమించి శ్రీనివాసరావును పట్టుకున్నారు. నిందితుని కోసం 600లకు పైగా సీసీ కెమెరాల ఫుటేజ్‌ పరిశీలించారు.
ఇదీ చదవండి :
