మెగాపోడ్‌లుగా పిలిచే పక్షులు అగ్నిపర్వతాలూ, వేడినీటి బుగ్గలూ, ఎండబాగా తగిలే సముద్రతీరాల్లాంటి ఇసుక నేలల్లో నాలుగైదు అడుగుల లోతున గుంట తవ్వి అక్కడ గుడ్లు పెడతాయి. ఆ గుంటను మగ పక్షులు ఆకులూ అలములతో నింపుతాయి. అవన్నీ కుళ్లిపోయే సమయంలో పుట్టే వేడితో పాటు నేల వేడి వల్ల ఆ గుడ్ల నుంచి పిల్లలు వస్తాయి. వీటి గుడ్లు కోడి గుడ్ల కన్నా 50 శాతం పెద్దగానూ, అధిక పచ్చసొనతోనూ, ప్రత్యేక రుచి కలిగి ఉంటాయి. అందుకే నేలంతా గుంటలు తవ్వి, ఆ గుంటల్లోకి దూరి మరీ గుడ్లను సంపాదించి ఆహారంలో వాడతారు స్థానికులు. రాత్రి వేళల్లో పక్షులు గుడ్లు పెడతాయి కనుక పగటి వేళల్లో వీటి వేట మొదలుపెడతారు. మన దగ్గర అండమాన్‌ నికోబార్‌ దీవులతో పాటు ఇండోనేషియా, ఆస్ట్రేలియా, పపువా న్యూ గినియా తదితర దేశాల్లో ఇవి నివసిస్తాయి.
ఇదీ చదవండి: ఫైర్‌ ఫ్లై: ఈ లైటుని మడతపెట్టేయోచ్చు!
