అప్పుల రాష్ట్రాన్ని మాకు అప్పగించారు: బుగ్గన

అప్పుల రాష్ట్రాన్ని మాకు అప్పగించారని ఆర్థిక మంత్రి బుగ్గన రాజేంద్రనాథ్ రెడ్డి తెలిపారు. గత ప్రభుత్వం భారీగా అప్పులు చేసిందని చెప్పారు.

అసెంబ్లీలో ఆర్థిక మంత్రి బుగ్గన రాజేంద్రనాథ్ రెడ్డి బడ్జెట్ ప్రవేశ పెట్టారు. ఆర్థిక లెక్కలను వివరించారు. విభజన సమయంలో లక్షా 30, 654 కోట్లుగా ఉన్న రాష్ట్ర రుణం... 2018-19 నాటికి అది రూ.2,58,928 కోట్లకు చేరిందని తెలిపారు. వివిధ సంస్థల ద్వారా 10 వేల కోట్ల రుణం తీసుకుని ప్రభుత్వం ఖర్చు చేసిందని అన్నారు. ఈ ఏడాది ఫిబ్రవరిలో ప్రవేశపెట్టిన 2019-20 ఓట్ ఆన్ అకౌంట్​లో చెప్పిన హామీలను నెరవేర్చడానికి 45 వేల కోట్ల రూపాయల వనరుల అంతరాయం ఉందని తెలిపారు.