భారత్తో జరిగిన మూడో టీ20 ఓటమిపై బంగ్లాదేశ్ కెప్టెన్ మహ్మదుల్లా స్పందించాడు. గెలిచే అవకాశాలు వచ్చినా చేజేతులా మ్యాచ్ను చేజార్చుకున్నామని చెప్పాడు. తనతో సహా సీనియర్ ఆటగాళ్లు సరిగా రాణించలేదని తెలిపాడు.
"ఓటమికి చాలా కారణాలు ఉన్నాయి. మా జట్టులో హిట్టర్లు లేరు. మాకున్న నైపుణ్యాలతోనే మేము ఆడాం. ముఖ్యంగా బ్యాటింగ్లో మరింతగా రాణించాల్సి ఉంది. మా ఆటను ఇంకా మెరుగుపర్చుకోవాల్సి ఉంది. స్థిరంగా రాణించినట్లయితే విజయం మమ్మల్ని వరించేదే -మహ్మదుల్లా, బంగ్లా కెప్టెన్
తనతో సహా సీనియర్ ఆటగాళ్లు సరిగా ఆడలేదని అన్నాడు మహ్మదుల్లా.
30 బంతుల్లో 49 పరుగులు చేయాల్సిన స్థితిలో గెలిచే అవకాశాన్ని మేము సద్వినియోగపరచుకోలేకపోయాం. నయీం ఒక్కడే స్థిరంగా రాణించాడు. ఒకవేళ మ్యాచ్లో విజయం సాధించినట్లయితే ఆ క్రెడిట్ అతడికే దక్కేది. నాతో సహా సీనియర్ ఆటగాళ్లు సరిగా రాణించలేకపోయారు. -మహ్మదుల్లా, బంగ్లా కెప్టెన్.
ఆదివారం జరిగిన ఈ మ్యాచ్లో భారత్ 30 పరుగుల తేడాతో విజయం సాధించి సిరీస్ 2-1 తేడాతో కైవసం చేసుకుంది. దీపక్ చాహర్ హ్యాట్రిక్ సహా 6 వికెట్లతో విజృంభించి బంగ్లా ఓటమిలో కీలక పాత్ర పోషించాడు.
ఇదీ చదవండి: చాహర్పై చాహల్ ఫన్నీ కౌంటర్..!
