క్రికెట్ నుంచి రిటైర్మెంట్ తీసుకున్న తర్వాత యూట్యూబ్ ఛానల్, సామాజిక మాధ్యమాల్లో యాక్టివ్గా ఉంటున్నాడు పాకిస్థాన్ మాజీ ఆటగాడు షోయబ్ అక్తర్. తాజాగా ప్రస్తుత క్రికెట్లో విరాట్ కోహ్లీకి బౌలింగ్ చేయడం కష్టమని ఓ అభిమాని అడిగిన ప్రశ్నకు సమాధానంగా చెప్పాడు.
"ఆధునిక క్రికెట్లో కోహ్లీకి బౌలింగ్ చేయడం చాలా కష్టం. అతడు కఠినతరమైన బ్యాట్స్మన్." - షోయబ్ అక్తర్, పాక్ మాజీ క్రికెటర్.
ఇటీవలే బంగ్లాతో జరిగిన టీ20లో రోహిత్ శర్మ నాయకత్వాన్ని ప్రశంసించాడు అక్తర్.
"ఈ మ్యాచ్లో బాస్ ఎవరో టీమిండియా నిరూపించింది. ఈ సిరీస్లో తొలి గేమ్లో ఓడినప్పటికీ.. టీమిండియా అద్భుతంగా పుంజుకుంది. రోహిత్ చక్కటి ప్రదర్శన చేశాడు. అతడిలో గొప్ప టాలెంట్ ఉంది. హిట్ మ్యాన్ కోరుకున్నప్పుడల్లా పరుగులు చేయగలడు" -పోషబ్ అక్తర్, పాక్ మాజీ క్రికెటర్.
ఇండోర్ వేదికగా బంగ్లాదేశ్తో జరిగిన తొలి టెస్టులో ఇన్నింగ్స్ 130 పరుగుల తేడాతో విజయం సాదించిన భారత్ రెండో టెస్టు కోసం సిద్ధమవుతోంది. డే అండ్ నైట్ నిర్వహిస్తోన్న ఈ మ్యాచ్కు ఈడెన్ గార్డెన్స్ వేదిక కానుంది. టీమిండియా తొలిసారి గులాబీ బంతితో ఆడబోతుంది.
ఇదీ చదవండి: గులాబీ బంతి ఆట కోసం ఆత్రుతగా గంగూలీ
