బాహుబలి కట్టప్పను ఎందుకు చంపాడు? అనే ప్రశ్న ప్రపంచ వ్యాప్తంగా సినీ వర్గాల్లో ఎంత ఆసక్తి కలిగించింది. తాజాగా అదే స్థాయిలో ఇప్పుడు 'ఆర్.ఆర్.ఆర్' ఫస్ట్లుక్పై వార్తలు వస్తున్నాయి. ఈ దశాబ్దంలోనే అతి పెద్ద మల్టిస్టారర్‌గా తెరకెక్కుతున్న సినిమా ఇది. అందుకే దర్శకధీరుడు రాజమౌళి చిత్రీకరణ ప్రారంభించినప్పటి నుంచి చిత్రంపై అంచనాలు తారస్థాయికి చేరాయి. ఇందులో రామ్ చరణ్ అల్లూరి సీతారామరాజుగా, కొమరం భీమ్‌గా తారక్ నటిస్తున్నారు.
కొత్త ఏడాది సరికొత్తగా...
చరణ్ సరసన ఆలియా భట్‌ నటిస్తుండగా... తారక్ సరసన ఒలివియా మోరిస్‌ కనువిందు చేయనుంది. ఇప్పటికే సినిమాలోని పలు క్యారెక్టర్లపై క్లారిటీ ఇచ్చాడు జక్కన్న. అంతేకాకుండా 70 శాతం చిత్రీకరణ పూర్తయినట్లు అధికారికంగా ప్రకటించాడు. ఆ తర్వాత సినిమా నుంచి ఎటువంటి అప్‌డేట్‌ లేదు. తాజాగా ఈ చిత్రం గురించి మరో వార్త అంతర్జాలంలో తెగ సందడి చేస్తుంది. వచ్చే ఏడాది మొదటి రోజు నుంచి 'ఆర్.ఆర్.ఆర్' తరపున ప్రతి పండుగకి ఒక సర్ప్రైజ్ ఇచ్చే విధంగా ప్రణాళికలు సిద్ధం చేస్తున్నాడట దర్శక ధీరుడు.
వచ్చే ఏడాది నూతన సంవత్సరం కానుకగా జనవరి 1న కథానాయకుల ఫస్ట్ లుక్, టైటిల్ లోగో విడుదల చేయనున్నారని సమాచారం. దీనిపై ఇంకా అధికారిక ప్రకటన రాలేదు. వచ్చే ఏడాది జులై 30న ప్రేక్షకుల ముందుకు రానుంది ఈ మల్టిస్టారర్‌ సినిమా.
