అల్లుడు శీను ఫేమ్ బెల్లంకొండ సాయి శ్రీనివాస్ పక్కన ఇస్మార్ట్ శంకర్ భామ నభా నటేష్ నటిస్తుందా? అంటే అవుననే అంటున్నాయి ఫిల్మ్ వర్గాలు. సంతోష్ శ్రీనివాస్ దర్శకత్వంలో రానున్న ఈ సినిమాలో... హీరోయిన్గా నభానే తీసుకోవాలనుకుంటోందట చిత్రబృందం.
ఈ శుక్రవారం లాంఛనంగా ప్రారంభం కానున్న ఈ చిత్రంలో హీరోయిన్ ఎవరనేది ఇంతవరకు ప్రకటించలేదు. అయితే ఇస్మార్ట్ శంకర్తో యువతలో క్రేజ్ తెచ్చుకున్న నభా నటేష్ను సంప్రందించినట్లు సమాచారం. దీనిపై అధికారిక ప్రకటన రావాల్సి ఉంది. ఈ సినిమా కోసం ఇప్పటికే గడ్డంతో పాటు సిక్స్ప్యాక్ కూడా పెంచేశాడు ఈ యువ హీరో. యాక్షన్ ఎంటర్టైనర్గా తెరకెక్కనున్న ఈ చిత్రంలో... అందాల భామతో భారీగానే రొమాన్స్ చేయనున్నాడట అల్లుడు శీను.
నభా.. ఇప్పటికే రవితేజతో 'డిస్కోరాజా', సాయిధరమ్‌ తేజ్‌తో 'సోలో బ్రతుకే సో బెటర్‌' చిత్రాలతో బిజీగా ఉంది. మరోవైపు వరుణ్‌ తేజ్‌ సరసన ఓ చిత్రంలో నటించనున్నట్లు వార్తలొస్తున్నాయి.
ఇదీ చదవండి: రూలర్ షూటింగ్ పూర్తి... 20 నుంచి 'రూలింగ్'
