ఇంట్లో సోఫాలోనో, కుర్చీలోనో కూర్చుని చిప్స్, పాప్కార్న్ ఇలా ఏదో ఒకటి తింటూ ఉంటాం. డస్ట్బిన్ దాకా వెళ్లి ఆ ప్యాకెట్లు పారేయాలంటే ఒక్కోసారి టీవీలో మంచి కార్యక్రమమేదో వస్తుంటుంది మళ్లీ పడేద్దాంలే అనుకుంటే అవన్నీ సోఫా పక్కనే ఉండిపోతాయి. అలాంటి ఇబ్బంది లేకుండా, అవసరమైనప్పుడు చెత్తడబ్బా మన దగ్గరికి వచ్చి, చెత్త పారేయడం అయిపోగానే మళ్లీ వెనక్కు వెళ్లిపోతే బాగుంటుంది కదూ! ఇప్పుడలా పనిచేసే డస్ట్బిన్ కూడా వస్తోంది. ‘గోమిబా గో’ అనే డస్ట్బిన్... ఇది చక్రాలు కలిగి ఉంటుంది. రిమోట్‌ సెన్సర్‌తో పని చేస్తుంది. రిమోట్‌ ద్వారా డస్ట్‌బిన్‌ను మనం కూర్చున్న చోటికే తెచ్చుకోవచ్చు. తిరిగి మళ్లీ ఏదో ఒక మూలలో పెట్టేయొచ్చు.
ఇదీ చదవండి: పెళ్లికి ముందు రోజు ఇలా చేయండి..!
