చెట్టును ఢీకొట్టిన కారు... నలుగురు దుర్మరణం

                                 తెలంగాణ కామారెడ్డి జిల్లా భిక్కనూరు మండలం జంగంపల్లి గ్రామ శివారులో రోడ్డు ప్రమాదం జరిగింది. హైదరాబాద్ నుంచి నిజామాబాద్ వెళ్తున్న కారు.. శివ టిఫిన్ సెంటర్ దగ్గర రోడ్డు పక్కనే ఉన్న చెట్టును ఢీ కొట్టింది. ఈ ఘటనలో నలుగురు అక్కడికక్కడే మృతి చెందారు. మృతుల్లో డ్రైవర్, ఓ వ్యక్తి, మహిళ, పన్నెండేళ్ల బాలిక ఉన్నట్లు పోలీసులు గుర్తించారు. కారు నుజ్జునుజ్జు కావడం వల్ల మృతదేహాలను వెలికి తీసేందుకు ఇబ్బంది ఏర్పడింది. గ్యాస్ కట్టర్​తో కారును కట్ చేసి మృతులను బయటకు తీశారు. 

ఇవీ చదవండి.