ఈ ఏడాది ఆస్కార్ విజేతలు వీరే...
సినిమా రంగంలో అత్యంత ప్రతిష్ఠాత్మక అవార్డు 'ఆస్కార్' ప్రదానోత్సవం లాస్‌ఏంజిల్స్‌లోని డాల్బీ థియేటర్లో అట్టహాసంగా జరిగింది. 92వ ఆస్కార్ అవార్డుల వేడుకలో భాగంగా పలు విభాగాల్లో సినిమాలకు పురస్కారాలను ప్రకటించింది అకాడమీ (అకాడమీ ఆఫ్ మోషన్ పిక్చర్ ఆర్ట్స్ అండ్ సైన్సెస్). ఉత్తమ చిత్రంగా పారాసైట్ నిలవగా.. ఉత్తమ నటుడిగా జోక్విన్‌ ఫోనిక్స్‌(జోకర్) ఉత్తమ నటిగా (రెనీ జెల్వెగర్) ఆస్కార్లు సొంతం చేసుకున్నారు.
హాలీవుడ్ ప్రముఖ నటుడు బ్రాడ్ పిట్ ఉత్తమ సహాయ నటుడిగా అవార్డు అందుకున్నాడు. 'వన్స్ అపాన్ ఏ టైమ్ ఇన్ హాలీవుడ్'చిత్రంలో నటనకు గానూ అతడిని ఈ అవార్డు వరించింది. ఉత్తమ సహాయ నటిగా 'లౌరా డెర్న్' అవార్డు దక్కించుకుంది. బెస్ట్ యానిమేటెడ్ సినిమా విభాగంలో 'టాయ్ స్టోరీ 4' ఆస్కార్ పురస్కారాన్ని అందుకుంది.
విజేతల జాబితా...
- ఉత్తమ చిత్రం: పారాసైట్
- ఉత్తమ నటుడు: జాక్విన్‌ ఫోనిక్స్‌(జోకర్)
- ఉత్తమ నటి: రెనీ జెల్వెగర్(జ్యూడీ)
- ఉత్తమ దర్శకుడు: పారాసైట్ (బాంగ్ జూన్ హో)
- ఉత్తమ సంగీతం: జోకర్ (హిల్దార్‌)
- మేకప్ అండ్ హెయిర్ స్టైలింగ్: బాంబ్ షెల్
- ఉత్తమ ఇంటర్నేషనల్ ఫీచర్ ఫిల్మ్: పారాసైట్
- ఉత్తమ విజువల్‌ ఎఫెక్ట్స్‌: 1917 (రోచ్‌రాన్‌, గ్రెగ్‌ బట్లర్‌, డోమినిక్‌ తువే)
- ఉత్తమ ఫిల్మ్ ఎడిటింగ్: ఫోర్డ్ వర్సెస్ ఫెరారీ(మైఖేల్ మెక్‌సుకర్‌, ఆండ్రూ బక్ల్యాండ్)
- ఉత్తమ సినిమాటోగ్రఫీ: 1917(రోజర్ డికెన్స్‌)
- ఉత్తమ సౌండ్ ఎడిటింగ్: ఫోర్డ్ వర్సెస్ ఫెరారీ(డొనాల్డ్ సిల్వెస్టర్)
- ఉత్తమ సౌండ్ మిక్సింగ్: 1917(మార్క్ టేలర్, స్టువర్ట్‌ విల్సన్)
- ఉత్తమ సహాయనటి: లారా డ్రెన్‌(మ్యారేజ్ స్టోరీ)
- ఉత్తమ సహాయ నటుడు: బ్రాడ్ పిట్( వన్స్ అపాన్ ఏ టైమ్ ఇన్ హాలీవుడ్)
- ఉత్తమ యానిమేషన్‌ చిత్రం: టాయ్ స్టోరీ4
- ఉత్తమ ఒరిజినల్ స్క్రీన్ ప్లే: బాంగ్ జూన్ హో (పారాసైట్)
- ఉత్తమ యానిమేటెడ్ షార్ట్ ఫిల్మ్: హెయిర్ లవ్
- ఉత్తమ అడాప్టెడ్‌ స్క్రీన్ప్లే: తైకా వెయిటిటి (జోజో ర్యాబిట్‌)
- ఉత్తమ లైవ్ యాక్షన్ షార్ట్ ఫిల్మ్- ది నైబర్స్ విండో
- ఉత్తమ ప్రొడక్షన్ డిజైన్: వన్స్ అపాన్ ఏ టైమ్ ఇన్ హాలీవుడ్
- ఉత్తమ కాస్ట్యూమ్ డిజైన్: జాక్వెలిన్ దురన్‌ (లిటిల్ విమన్‌)
- ఉత్తమ డాక్యుమెంటరీ(ఫీచర్): అమెరికన్ ఫ్యాక్టరీ
