గిరిజన సంప్రదాయంలో జాయింట్ కలెక్టర్ దంపతులకు పెళ్లి
విశాఖ జిల్లా అరకులోయ గిరి గ్రామదర్శిని కార్యక్రమంలో జాయింట్ కలెక్టర్ శివశంకర్ దంపతులకు గిరిజనులు తమ సంప్రదాయాల ప్రకారం వివాహం జరిపించారు. గిరిజన సంప్రదాయాల ప్రకారం జేసీ దంపతులను సిద్ధం చేసి వివాహం చేశారు. గిరిజన ఆచారాలు, సంప్రదాయాలు పర్యటకులకు తెలియజేసేందుకు ఈ వివాహం చేసుకున్నామని జాయింట్ కలెక్టర్ శివశంకర్ తెలిపారు. ఈ వివాహాన్ని జేసీ శివశంకర్ బంధువులు, పర్యటకులు ఆనందంగా తిలకించారు. ఇలా వివాహం చేసుకోవడం కొత్త అనుభూతి కలిగించిందని జేసీ తెలిపారు.
