పాడేరులో బ్యాంకుల ముందు ఖాతాదారుల పడిగాపులు
విశాఖ మన్యం పాడేరులో బ్యాంకులు ఖాతాదారులతో కిటకిటలాడాయి. ఆధార్ అనుసంధానం సహా పలు అవసరాల కోసం బ్యాంకులకు వస్తున్నవారి సంఖ్య ఎక్కువైంది. రోజుల తరబడి తిరుగుతున్నా బ్యాంకులో పనికావట్లేదని, సిబ్బంది స్పందించట్లేదని ఖాతాదారులు ఆవేదన వ్యక్తం చేశారు. యూనియన్ బ్యాంకు, ఎస్బీఐ, గ్రామీణ వికాస్ పాడేరు శాఖలు జనాలతో కిక్కిరిసి ఉంటున్నాయి. కనీసం ఖాతా పుస్తకం అప్డేట్ చేయట్లేదని ఖాతాదారులు వాపోయారు. కొంతమంది బ్యాంకులకు వచ్చేముందు భోజనం తెచ్చుకుని... సాయంత్రవరకూ క్యూలైన్లలో ఉంటున్నారు.
