ఫేస్బుక్ ద్వారా తల్లిదండ్రుల చెంతకు చేరబోయే భవానీ కేసు మలుపు తిరిగింది. మూడేళ్ల వయసులో హైదరాబాద్లో తప్పిపోయిన భవానీ.. విజయవాడకు చెందిన జయమ్మకు దొరికింది. శనివారం ఫేస్బుక్ వీడియోకాల్ ద్వారా తన కుటుంబీకులను గుర్తుపట్టింది. అయితే.. ఇప్పుడు భవానీ కోసం వచ్చినవారు నిజమైన తల్లిదండ్రులని గ్యారెంటీ ఏంటని... పెంచిన తల్లి జయమ్మ ప్రశ్నిస్తోంది. సరైన ఆధారాలతో పాటు.. డీఎన్ఏ పరీక్షలు చేసి.. అవి సరిపోలితేనే వారికి అప్పగిస్తానని జయమ్మ స్పష్టం చేసింది.
ఇప్పుడీ వ్యవహారం పోలీస్ స్టేషన్కు చేరింది. పోలీసులు కన్న తల్లిదండ్రులను పటమట స్టేషన్కు పిలిపించి మాట్లాడారు. కన్న తల్లిదండ్రులు, పెంచిన వారూ భవానీ తమకే కావాలని అంటున్నారు. ఇద్దరి దగ్గర చెరో కొన్ని రోజులు ఉంటానని భవానీ అంటోంది. ముందుగా పెంచిన తల్లిదండ్రుల వద్దకు వెళ్లనుంది. ఆ తర్వాత కన్నవారి వద్దకు పంపిస్తామని పోలీసులు చెప్తున్నారు.
ఇవీ చదవండి..
