హే చాయ్ చమక్కులు చూడరా భాయ్ అనే పాట వినగానే... ప్రతి ఒక్కరికి గుర్తొచేది చాయ్ గ్లాస్తో చిరంజీవి వేసే స్టెప్పులు. మనిషి నిజ జీవితంలో 'టీ' కూడా భాగమైంది. దీన్నే వ్యాపారంగా చేసుకుంటూ ఎంతోమంది స్వయం సమృద్ధి సాధించే దిశగా అడుగులు వేస్తున్నారు. కృష్ణా జిల్లా నూజివీడు పట్టణ పరిధిలోని ఎంప్లాయిస్ కాలనీలో 22 ఏళ్లుగా నీలా వెంకట శ్రీనివాస్ అనే యువకుడు కూడా ఇదే కోవలోకి వస్తాడు. 'వన్ అండ్ ఓన్లీ లెమన్ టీ' షాపు ఏర్పాటు చేసి 15 రకాలైన వెరై'టీ'లను తయారు చేస్తూ ప్రశంసలు పొందుతున్నాడు. వేడివేడి చాయ్ అస్వాధించే యువత, ఉద్యోగులు, రాజకీయ నాయకులే కాదు ఎంతో మంది సాధారణ ప్రజలు ఈ టీ తాగేందుకు ఎక్కువగా ఇష్టపడుతుంటారు.
దారులన్నీ వన్ అండ్ ఓన్లీ లెమన్ టీ షాపు వైపే..స్వచ్ఛమైన ప్రకృతి సిద్ధమైనదిగా పేరుగాంచిన 'వన్ అండ్ ఓన్లీ లెమన్ టీ' షాపుకు విజయవాడ వంటి ప్రాంతాల నుంచి కూడా యువత.. రావడం విశేషం. ఇవాళ అంతర్జాతీయ టీ దినోత్సవం సందర్భంగా అక్కడికి వచ్చే తేనేటి ప్రియులను 'ఈటీవీ భారత్' పలకరించగా పలువురు తమ అనుభవాలను పంచుకున్నారు. వేడి వేడి టీ తాగితేనే తమ రోజువారీ జీవనయానం ప్రారంభమవుతుందని పలువురు చెప్పగా... ఇక్కడి టీ తాగకపోతే మనసు కుదుటపడదని మరికొందరూ అంటున్నారు.
ఇదీ చదవండి : ఆదాయం... మాకెంత... మీకెంత..?
