ఎస్సీ ఎస్టీలకు చెందిన చట్టాలు కచ్చితంగా అమలు అయ్యేందుకు ఆ వర్గాల వారంతా కలసి కట్టుగా పోరాడాల్సిన అవసరం ఉందని సుప్రీంకోర్టు మాజీ ప్రధాన న్యాయమూర్తి , జాతీయ మానవ హక్కుల కమిషన్ మాజీ ఛైర్మన్ జస్టిస్ కె.జి. బాలకృష్ణన్ అన్నారు. కొన్ని రాష్ట్రాల్లో ఎస్సీ, ఎస్టీ అట్రాసిటీ కేసులు నమోదైనా.. మరో అక్రమ కేసును బాధితులపై బనాయిస్తూ నీరు గారుస్తున్నారని ఆవేదన వ్యక్తం చేశారు. ఆంధ్రప్రదేశ్లోనూ ఇలాంటి పరిస్థితే ఉందన్నారు. ఈ పరిస్ధితిలో పూర్తిగా మార్పు రావాల్సిన అవసరం ఉందన్నారు. దేశంలో నమోదయ్యే ఎస్సీ, ఎస్టీ కేసులన్నీ నిజమైనవని తాను భావిస్తున్నాన్నట్లు చెప్పారు. అత్యాచారానికి గురైనవారు బలహీనులని, వారిని కేసులు పెట్టకుండా నిందితులు భయపెడతున్నారని వ్యాఖ్యానించారు. ఎస్సీ, ఎస్టీల పీఓఎస్ యాక్ట్పై అవగాహన కల్పించేందుకు విజయవాడలో నిర్వహించిన జాతీయ కన్వెన్షన్లో పాల్గొన్నారు. ఎస్సీలపై అట్రాసిటీ కేసుల నమోదులో పోలీసులు తాత్సారం చేస్తున్నారని అన్నారు. ఇది మంచి పరిణామం కాదన్నారు. మంచి సమాజం రూపొందించేందుకు విద్య ఎంతగానో దోహదపడుతుందన్న జస్టిస్ కె.జి.బాలకృష్ణన్.. పిల్లలను ఉన్నత చదువులు చదివించడం ద్వారానే ఎస్సీ, ఎస్టీల్లో అభ్యున్నతి వస్తుందని.. ఆ దిశగా ముందుకు వెళ్లాలని కోరారు.
ఇదీ చదవండి :
