సాక్ష్యాధారాలతో హైకోర్టు ముందుకు రవిప్రకాశ్ కేసు
టీవీ 9 మాజీ సీఈవో రవిప్రకాశ్ విచారణ అనంతరం పోలీసులు తమ వద్ద ఉన్న పూర్తి సాక్ష్యాధారాలను రేపు న్యాయస్థానం ఎదుట ఉంచనున్నారు. ధర్మాసనం ఇచ్చే ఉత్తర్వులను బట్టి రవిప్రకాశ్ను అరెస్టు చేయాలా వద్దా అనేది తెలుస్తుందని సైబర్ క్రైం ఏసీపీ శ్రీనివాస్ కుమార్ వెల్లడించారు. నిర్దోషిగా నిరూపించుకునేందుకు రవిప్రకాశ్ తగిన ఆధారాలు చూపలేదని స్పష్టం చేశారు. ఫోర్జరీ చేసినట్లు వస్తున్న అభియోగాలపై పూర్తి ఆధారాలు తమ వద్ద ఉన్నాయని ఏసీపీ వివరించారు. సుప్రీం కోర్టు సూచనల మేరకే విచారణ చేస్తామన్న ఏసీపీ... 3 రోజులపాటు ప్రశ్నించినప్పటికీ రవిప్రకాశ్ పొంతన లేని సమాధానం చెప్పారన్నారు. నటుడు శివాజీ మాత్రం ఇప్పటి వరకు విచారణకు హాజరుకాలేదని ఏసీపీ తెలిపారు.
ఇవీ చూడండి: ప్రేమ... పెళ్లి... ఫిర్యాదు... అసలేమైంది?
