పర్యటక రంగాన్ని అభివృద్ధి చేసేందుకు ప్రభుత్వం కృషి చేస్తుందని ఆ శాఖ మంత్రి అవంతి శ్రీనివాస్ అన్నారు. కృష్ణా జిల్లా ఇబ్రహీంపట్నం మండలం పవిత్ర సంగమం సమీపంలో జాతీయ ఆటోక్రాస్ ఛాంపియన్షిప్ ఫైనల్ పోటీలను మంత్రి ప్రారంభించారు. 23 రాష్ట్రాలకు చెందిన దాదాపు 140 మంది రేసర్లు ఈ పోటీల్లో పాల్గొంటున్నారని నిర్వాహకులు తెలిపారు. క్వాలిఫైయర్ రేసులు ఉత్తరభారతంలో జరగ్గా... ప్రభుత్వం విజ్ఞప్తి మేరకు ఫైనల్ మ్యాచ్లను ఏపీలో నిర్వహిస్తున్నట్లు మంత్రి వెల్లడించారు. 1.8 కిలోమీటర్ల రేస్ ట్రాక్లో కార్లు దుమ్మురేపుతూ దూసుకెళ్లడం చూపురులను ఆకట్టుకుంది. రెండు రోజుల పాటు జరిగే ఈ పోటీల్లో ఫైనల్ విజేతలను ఆదివారం సాయంత్రం ప్రకటించనున్నారు. ఛాంపియన్ యాచ్ క్లబ్ ఆధ్వర్యంలో పలు జాతీయ స్థాయి రేసులు నిర్వహించామని, రాష్ట్రంలో తొలిసారిగా ఇలాంటి పోటీలు నిర్వహిస్తున్నట్లు యాచ్ క్లబ్ ఛైర్మన్ శుభకర్ రావు చెప్పారు.
ఇదీ చదవండి:
