శ్రీవారికి 8 టన్నుల పూలతో పుష్పకైంకర్యం

తిరుమల శ్రీవారి ఆలయంలో పుష్పయాగ మహోత్సవానికి శాస్త్రోక్తంగా అంకురార్పణ కార్యక్రమం నిర్వహించారు. ఇవాళ జరగనున్న కార్యక్రమానికి అధికారులు ఏర్పాట్లు చేశారు.

శ్రీవారి సేనాధిపతి ఆలయ మాడ వీధుల్లో ఊరేగుతూ వసంతమండపానికి చేరుకున్నారు. భూమిపూజ, మృత్సంగ్రహణం కార్యక్రమాల తర్వాత ప్రదక్షిణంగా ఆలయానికి చేరుకున్నారు. వసంతమండపంలో సేకరించిన పుట్టమన్నుతో అర్చకులు ఆలయంలోని యాగశాలలో వైదిక కార్యక్రమాలను నిర్వహించారు. పుష్పయాగంలో భాగంగా ఇవాళ ఉదయం 9 గంటల నుంచి 11 గంటల వరకు ఉత్సవ మూర్తులకు సన్నపన తిరుమంజనం నిర్వహించనున్నారు. మధ్యాహ్నం ఒంటి గంట నుంచి సాయంత్రం 5 గంటల వరకు 8 టన్నుల పూలతో పుష్పకైంకర్యాన్ని నిర్వహిస్తారు. ఇందుకోసం వివిధ రాష్ట్రాల నుంచి చామంతి, సంపంగి, రోజా, మరువం, దవనం, తులసి, గన్నేరు, నందివర్ధనం వంటి సాంప్రదాయ కుసుమాలు సేకరించారు.

ఇదీ చదవండి:తిరుమల శ్రీవారి ఆలయంలో... పుష్పయాగ మహోత్సవానికి ఏర్పాట్లు