గుంటూరులో 8 మంది గంజాయి విక్రేతల అరెస్టు

గుంటూరులో 8 మంది గంజాయి విక్రేతలను పోలీసులు అరెస్టు చేశారు. తాడేపల్లి, కొత్తపేట పోలీస్ స్టేషన్ల పరిధిలో రెండు కేసుల్లో వీరిని పట్టుకున్నారు.

గుంటూరు అర్బన్ పరిధిలో గంజాయి రవాణాపై పోలీసులు విస్తృత దాడులు చేశారు. తాడేపల్లి, కొత్తపేట పోలీస్ స్టేషన్ల పరిధిలో రెండు కేసుల్లో 8 మంది గంజాయి విక్రేతలను అరెస్టు చేశారు. కొత్తపేటలో ముగ్గుర్ని అరెస్టు చేసి 2 కిలోల గంజాయిని స్వాధీనం చేసుకున్నారు. తాడేపల్లిలో ఐదుగురిని అరెస్టు చేసి 10 కిలోల గంజాయి, లక్షా 42 వేల రూపాయలను స్వాధీనం చేసుకున్నారు. 5 నెలల్లో 31 కేసుల్లో 95 మందిని అరెస్టు చేశామని అర్బన్ ఎస్పీ పీహెచ్​డీ రామకృష్ణ తెలిపారు. కొన్ని మందుల దుకాణాల్లో మత్తును కల్గించే మాత్రలు విక్రయిస్తున్నారని... వాటిపైనా దాడులు చేస్తామన్నారు.

ఇదీ చదవండి