ట్రాన్స్ట్రాయ్ కంపెనీ యజమానులతో పాటు... భాగస్వామిగా ఉన్న రాయపాటి ఇంట్లోనూ తనిఖీలు నిర్వహిస్తున్నారు. ఇవాళ ఉదయం 5.30 గంటల సమయంలో 10మంది సీబీఐ అధికారుల బృందం... చంద్రమౌళినగర్లోని రాయపాటి ఇంటికి వచ్చింది. సీబీఐ అధికారులు వచ్చిన సమయంలో రాయపాటి సాంబశివరావు ఇంట్లో లేరు.
ఆయన కుమారుడు రంగబాబుతో మాట్లాడిన అధికారులు... సోదాలకు సహకరించాలని కోరారు. రంగబాబు, ఇంట్లో ఉన్నవారి సెల్ ఫోన్లు స్వాధీనం చేసుకున్నారు. రాయపాటి ఇంట్లో అణువణువూ గాలిస్తున్నారు. రాయపాటి ఇంటి ప్రాంగణంలోని కార్లు, ఆయన నివాసం ముందు నిలిపి ఉంచిన కార్లలోనూ తనిఖీలు చేశారు.
సీబీఐ అధికారుల సోదాలకు సంబంధించి రాయపాటి సాంబశివరావు తనయుడు రంగారావు స్పందించారు. ట్రాన్స్ట్రాయ్ కంపెనీతో తమకు ఆర్థికపరమైన లావాదేవీలు ఏమీ లేవని... ఆ కంపెనీ బ్యాంకు రుణాలు ఎగవేస్తే తమకు సంబంధం ఏమిటని ప్రశ్నించారు. ప్రస్తుతం కంపెనీ సీఈవోగా ఉన్న శ్రీధర్... ఆ వ్యవహారాలకు బాధ్యత వహించాలన్నారు. సీబీఐకి పూర్తిగా సహకరించేందుకు సిద్ధంగా ఉన్నామంటున్న రంగారావుతో 'ఈటీవీభారత్' ప్రతినిధి ముఖాముఖి.
ఇదీ చదవండీ...
