జగన్ గారూ.. మీరు విన్నది.. చూసింది ఇదేనా?: లోకేష్

ప్రభుత్వంపై ట్విట్టర్ వేదికగా తెదేపా జాతీయ ప్రధాన కార్యదర్శి నారా లోకేష్ మరోసారి ప్రశ్నలు సంధించారు. అన్నక్యాంటీన్ల మూసివేతతో ఎంతో మంది పేదలు ఇబ్బందులు పడుతున్నారని ఆవేదన చెందారు.

జగన్ గారు మీరు విన్నది, చూసింది ఇదేనా: లోకేష్

అన్న క్యాంటీన్ల మూసివేత నిర్ణయాన్ని తెదేపా జాతీయ ప్రధాన కార్యదర్శి నారా లోకేష్ తప్పుబట్టారు. ప్రభుత్వ నిర్ణయంతో ఎంతో మంది నిరుపేదలు తీవ్ర ఇబ్బందులు ఎదుర్కొంటున్నారని అన్నారు. క్యాంటీన్లలో పనిచేసే వారు ఉపాధిని కోల్పోయారని ఆవేదన చెందారు. ఎన్నికల ముందు ''నేను విన్నాను.. నేను ఉన్నాను'' అన్న జగన్... విన్నది, చూసింది ఇదేనా అని ప్రశ్నిస్తూ... ఓ వీడియోని తన సందేశానికి జత చేశారు.