రైలు ఎక్కుతుండగా పడిన మహిళ.. కాపాడిన హెడ్​కానిస్టేబుల్

సికింద్రాబాద్​ స్టేషన్​లో కదులుతున్న రైలును ఎక్కేందుకు ప్రయత్నించిన ఓ మహిళ కిందపడింది. అదే సమయంలో అక్కడే ఉన్న ఆర్పీఎఫ్​ హెడ్​ కానిస్టేబుల్​ అమెను గమనించి చాకచక్యంగా కాపాడారు. ఇదంతా సీసీటీవీలో రికార్డయింది.

సికింద్రాబాద్​ రైల్వే స్టేషన్​లో ఓ ఆర్పీఎఫ్​ హెడ్​ కానిస్టేబుల్​ ఓ ప్రాణాన్ని కాపాడిన సంఘటన ఆలస్యంగా వెలుగులోకి వచ్చింది. ఈ నెల 18న సికింద్రాబాద్​ స్టేషన్​ నుంచి వెళ్తున్న దానాపూర్​ ఎక్స్​ప్రెస్​ను ఓ మహిళ కదులుతున్న క్రమంలోనే ఎక్కేందుకు ప్రయత్నించి కింద పడిపోయింది. అదే సమయంలో అక్కడ విధులు నిర్వర్తిస్తున్న హెడ్​ కానిస్టేబుల్ షాఫూద్దీన్​ గమనించి చాకచక్యంగా ఆమెను కాపాడారు.

మహిళ ప్రాణాలు కాపాడిన షాఫూద్దీన్​ను రైల్వే అధికారులు ప్రశంసించారు. రైల్వే రక్షణలో భాగంగా ప్రయాణికుల ప్రాణాలను తామూ రక్షిస్తామని ఆర్​పీఎఫ్​ అధికారులు వెల్లడించారు.