కృష్ణాజిల్లా మచిలీపట్నంలోని రోల్డ్గోల్డ్ పరిశ్రమకు విద్యుత్ టారిఫ్ను తగ్గిస్తూ... ప్రభుత్వం ఉత్తర్వులు జారీ చేసింది. యూనిట్ ధరను 9రూపాయల 20 పైసల నుంచి 3రూపాయల 75 పైసలకు తగ్గిస్తూ... ఇంధనశాఖ ఆదేశాలు ఇచ్చింది. మచిలీపట్నం డివిజన్లో ఉన్న అన్ని గోల్డ్ కవరింగ్ యూనిట్లకూ విద్యుత్ టారిఫ్ను తగ్గించినందున... ఆ మేరకే బిల్లులు వసూలు చేయాలని ఇంధన శాఖ చెప్పింది.
తక్షణం ఈ ఉత్తర్వులను అమలు చేయాలని డిస్కంలకు ఆదేశాలు ఇచ్చింది. మచిలీపట్నం డివిజన్లోని 250 గోల్డ్ కవరింగ్ యూనిట్లకు వర్తింపజేసేలా ఉత్తర్వుల్లో పేర్కోన్నారు. ఈ యూనిట్లకు ఇచ్చే విద్యుత్ సబ్సీడీని ప్రభుత్వమే భరించి డిస్కంలకు బదిలీ చేస్తుందని ఇంధన శాఖ కార్యదర్శి నాగులాపల్లి శ్రీకాంత్ స్పష్టం చేశారు.
ఇవీ చదవండి...రాష్ట్రాల సీఎస్లతో కేంద్రమంత్రి వర్గ కార్యదర్శి సమీక్ష
