జనసేన-భాజపా విలీనంపై పవన్‌ ఏమన్నారంటే..!

భాజపాలో జనసేన విలీనంపై పవన్​కల్యాణ్​ మరోసారి స్పందించారు. ఎట్టి పరిస్థితుల్లోనూ భాజపాలో జనసేనను విలీనం చేసేది లేదని స్పష్టం చేశారు.

ఏపీలో చేపట్టే ఏ కార్యక్రమమైనా ఇరు పార్టీలు కలిసే చేస్తాయని భాజపా-జనసేన నేతలు స్పష్టం చేశారు. దిల్లీలో భాజపా ఎంపీ జీవీఎల్‌ నరసింహారావు నివాసంలో సమావేశమైన భాజపా-జనసేన నేతలు... రాష్ట్రంలో భవిష్యత్‌లో చేపట్టాల్సిన కార్యాచరణపై చర్చించారు. అనంతరం మీడియా సమావేశం నిర్వహించగా.. భాజపాలో జనసేన విలీనంపై మీడియా ప్రతినిధులు పవన్ కల్యాణ్​ను ప్రశ్న అడిగారు. దీనిపై ఒకింత అసహనం వ్యక్తం చేసిన ఆయన... జనసేనను భాజపాలో విలీనం చేసే ప్రసక్తే లేదని స్పష్టం చేశారు.

ఇదీ చూడండి: రాజధాని కోసం.. ఫిబ్రవరి 2న భాజపా-జనసేన లాంగ్​ మార్చ్‌