తెలంగాణలోని సంగారెడ్డి జిల్లా కంకోల్ గ్రామానికి చెందిన తుల్జారాం, ప్రమీల దంపతుల తనయుడు మధుకుమార్. ఆ బాలుడు ప్రమాదవశాత్తు విద్యుదాఘాతానికి గురై కాళ్లు, చేతులు కోల్పోయాడు. నెలరోజులు ఆసుపత్రిలో ఉన్న తరువాత ఇంటికొచ్చిన మధు.. ఇప్పుడు కొత్త జీవితం ప్రారంభించాడు. చదువుకోవాలన్న తపనను తల్లిదండ్రులు అర్థం చేసుకున్నారు.
మధుకుమార్ పరిస్థితిపై ''ఈటీవీ భారత్'' గతంలో ప్రచురించిన కథనాలకు... బీడీఎల్ విన్నర్ ఫౌండేషన్ సేవా సంస్థ అధ్యక్షుడు అరికెపూడి రఘు, చిత్రకళలో గిన్నిస్ రికార్డు సాధించిన సముద్రాల హర్ష స్పందించారు. మధుకు నోటితో అక్షరాలు రాసేలా శిక్షణ ఇచ్చారు. నోటిలో కుంచె పెట్టి... తొలుత అమ్మ అనే అక్షరాలు రాయించారు. త్వరలోనే మధును జర్మనీకి తీసుకెళ్లి... కృత్రిమ చేతులు అమర్చేందుకు కృషి చేస్తామని ఆ వదాన్యులు బాలుడికి భరోసా ఇచ్చారు.
ఇదీ చూడండి : ఆకులపై చెక్కినా.. చెక్కుచెదరని చిత్ర కళ
