రేషన్​ కార్డు ఉంటే సంక్రాంతికి రూ.వెయ్యి, చీర ఫ్రీ!

తమిళనాడు రాష్ట్ర ప్రభుత్వం కొత్త పథకం ప్రవేశపెట్టింది. రేషన్​ కార్డు ఉన్న ప్రతి కుటుంబానికి వెయ్యి రూపాయలు 'సంక్రాంతి కానుక'గా అందించాలని నిర్ణయించింది. చీరలు, పంచెలు, పాయసం చేసేందుకు కావల్సిన సామగ్రిని పండుగ కానుకగా అందిచనుంది.

పొంగల్(సంక్రాంతి) పండుగ సందర్భంగా తమిళనాడులోని పేదలకు ప్రత్యేక కానుకలు అందించాలని నిర్ణయించింది అక్కడి ప్రభుత్వం. ఇందుకోసం రూ.2363.13 కోట్లు కేటాయించింది.

రేషన్​ కార్డు ఉన్న కుటుంబం రూ. 1000/- తో పాటు.. పాయసం సామగ్రి, మహిళలకు చేనేత చీరలు, పురుషులకు చేనేత పంచెలు కానుకగా అందించనున్నారు.

పండుగ రోజు నోరు తీపి చేసుకునేందుకు పొంగల్​ తయారీకి కావల్సిన సామగ్రిని రేషన్​ దుకాణంలో ఉచితంగా పంచనున్నారు. ఈ గిఫ్ట్​ ప్యాక్​లో ఒక కిలో బియ్యం, కిలో చక్కెర, 20 గ్రాముల జీడిపప్పు, ఎండు ద్రాక్ష, 5 గ్రాముల యాలకులు ఉంటాయి. శుభసూచకంగా భావించే 2 అడుగుల పచ్చని చెరకు గడను కూడా ఇందులో అందించనున్నారు.

ఇదీ చదవండి:గాడ్సే వ్యాఖ్యలపై సాధ్వీ క్షమాపణలు- విపక్షాలతో స్పీకర్​ భేటీ