600ఎకరాల చెరువులో ఒకేసారి కలువలు విరబూస్తే...

కేరళలో కొట్టాయంలోని అంబాల్​ ఆలయం చెరువు గులాబీ వర్ణంలో మెరిసిపోతోంది. చెరువు నిండా కలువ పూలు విరబూయటమే ఇందుకు కారణం. ఈ దృశ్యాలను చూసేందుకు వందల సంఖ్యలో పర్యటకులు తరలివస్తున్నారు.

కేరళ కొట్టాయం సమీపంలో మలరికాల్‌ గ్రామంలో అంబాల్ ఆలయం చెరువు పర్యటకులను విశేషంగా ఆకట్టుకుంటోంది. కొట్టాయం నుంచి 3 కిలోమీటర్ల దూరంలో ఉన్న ఈ చెరువు విరబూసిన కలువపూలతో కళకళలాడుతోంది.

కలువ పూలతో నిండిపోయిన చెరువు గులాబీవర్ణ శోభితంగా మెరిసిపోతోంది. ఈ దృశ్యం ఐరోపాలోని తులిప్‌ పుష్పాలను గుర్తుకు తెస్తున్నాయి.

600 ఎకరాల్లో విస్తరించిన ఈ చెరువును సందర్శించడానికి పెద్ద సంఖ్యలో పర్యటకులు తరలివస్తున్నారు. అయితే పర్యటకులకు మౌలిక సదుపాయాలు కల్పించడంలో అధికారులు విఫలమయ్యారని స్థానికులు అంటున్నారు.

ఇదీ చూడండి: అమెరికాకు రెండోసారీ చిక్కని విక్రమ్