நாமக்கல்லைச் சேர்ந்த அகிம்சா சோசியலிஸ்ட் கட்சி சார்பில் போட்டியிடும் வேட்பாளர் காந்தியவாதி ரமேஷ். இவர் தினந்தோறும் புதுமையான முறையில் தனது வாக்கு சேகரிப்பில் ஈடுபட்டு வருகிறார். இவர் கடந்த வாரம் மகாத்மா காந்தி போல் உடை அணிந்து தேர்தல் செலவினத்திற்காகப் பாரத ஸ்டேட் வங்கியில் 50 லட்ச ரூபாய் கடன் கேட்டிருந்தார். அச்சம்பவம் மக்கள் மத்தியில் பெரிதும் பேசப்பட்டது.
இந்நிலையில் இன்று தங்களது கட்சியின் சார்பில் தேர்தல் அறிக்கையை வெளியிட்டார். நாமக்கல்லில் புகழ்பெற்ற மலைக்கோட்டையில் மகாத்மா காந்தி, திரு.வி.க., அண்ணா, கருணாநிதி ஆகியோர் பரப்புரை செய்த மேடையில் அமர்ந்து தன்னுடைய தேர்தல் அறிக்கையை வெளியிட்டார்.
குடிக்கு அடிமையானோர் மறுவாழ்விற்காக மாதந்தோறும் ஊக்கத்தொகை வழங்கப்படும். புகழ்பெற்ற ராசிபுரம் நெய்க்கு புவிசார் குறியீடு வழங்க நடவடிக்கை எடுக்கப்படும். மற்ற அரசியல் கட்சிகள் போல் தம்மிடம் பரப்புரை வாகனங்கள் இல்லாத நிலையில் தன்னுடைய இருசக்கர வாகனத்தைப் பரப்புரை வாகனமாக மாற்றியுள்ளேன்’ என்று தெரிவித்தார்.
