கன்னியாகுமரி மாவட்டம் அயனிவிளை பகுதியை சேர்ந்தவர் கூலி தொழிலாளியான ஸ்டீபன் (34). இவர் இன்று அதிகாலை வீட்டில் தூங்கி கொண்டிருந்த போது பேய் விரட்டுவதாக கனவு கண்டுள்ளார். இதனால் பயந்து வீட்டிலிருந்து ஓட்டம் பிடித்த இவர் அருகே உள்ள நாகதேவி கோயில் கிணற்றில் குதித்துள்ளார்.
அக்கோயிலுக்கு வந்த அர்ச்சகர் கிணற்றிலிருந்து சத்தம் கேட்டதால் உள்ளே பார்த்துள்ளார். அங்கே, ஸ்டீபன் தண்ணீரில் நின்று கொண்டு இருப்பதை பார்த்து ஊர் மக்களுக்கு தகவல் தெரிவித்தார். இது குறித்து தகவலறிந்து சம்பவ இடத்திற்கு வந்த குழித்துறை தீயணைப்பு துறையினர் கிணற்றிலிருந்து ஸ்டீபனை மீட்டனர்.
இதுகுறித்து புதுக்கடை காவல் துறையினர் வழக்குப்பதிவு செய்து விசாரணை மேற்கொண்டார். கனவில் மூன்று பேய்கள் விரட்டி வந்ததாக தெரிவித்த ஸ்டீபனின் வாக்குமூலத்தில் சந்தேகம் அடைந்த காவல் துறையினர் கிணற்றில் புதையல் இருப்பதாக நம்பி இறங்கி விட்டு கரையேற முடியாமல் தவித்தாரா? அல்லது வேறு ஏதும் காரணம் உள்ளதா? என்ற ரீதியில் விசாரிக்கின்றனர்.
இதையும் படியுங்க:
