கர்நாடக மாநிலம், மைசூர் அருகே உள்ள வனப்பகுதியில் சரக்கு வாகனம் ஒன்று சென்று கொண்டிருந்தது. அப்போது சாலையில் நின்றிருந்த ஒற்றை யானை இந்த வாகனத்தைக் கண்டு துரத்த ஆரம்பித்தது.
இதைக்கண்ட ஓட்டுநர் வாகனத்தைப் பின் நோக்கி செலுத்தினார். இருப்பினும், அந்த ஒற்றை யானை பிளிறியபடி வந்து வாகனத்தின் முன்பக்க கண்ணாடியை உடைத்து தள்ளியது.
அப்போது வாகனத்திலிருந்த மற்றொரு நபர் இந்தக் காட்சியை தனது கைபேசியில் படம் பிடித்துள்ளார். தற்போது இந்த காணொலி சமூக வலைதளங்களில் வைரலாகப் பரவி வருகிறது.
வனப்பகுதியிலிருந்து யானை வெளியேறி ஓட்டுநர்களையும் பொதுமக்களையும் அச்சுறுத்துவது தொடர் நிகழ்வாக இருக்கிறது. இதற்கு ஒரு முடிவு கட்ட வேண்டும் என்று பொதுமக்கள் வனத்துறையினருக்கு கோரிக்கை வைத்துள்ளனர்.
இதையும் படிங்க:
'கூட்டணி என்றால் ஊடலும் கூடலும் இருக்கத்தான் செய்யும்' - கே.எஸ். அழகிரி
